Үйлчилгээний нөхцөл

1. Ерөнхий

Энэхүү нөхцөл нь Нью Курсор ХХК-ийн («бид») MyQR үйлчилгээг вэбсайт болон гар утасны аппаар ашиглахад хамаарна.

Бүртгүүлж, үйлчилгээг ашигласнаар та энэ нөхцөл болон Нууцлалын бодлогыг зөвшөөрсөнд тооцогдоно.

2. Бүртгэл

Бүртгэлийг өөрийн эзэмшлийн Монгол утасны дугаараар баталгаажуулж үүсгэнэ.

Нууц үгээ бусдад дамжуулахгүй байх, бүртгэлээрээ хийгдсэн үйлдлийг хариуцах нь таны үүрэг.

3. Үйлчилгээ

MyQR нь QR уншуулсан хүнд эзэмшигчийн хувийн мэдээллийг харуулахгүйгээр зурвас илгээх боломж олгоно. Утасны дугаар зөвхөн эзэмшигч зөвшөөрсөн үед харагдана.

Бид алдсан эд зүйл олдохыг, эсвэл олсон хүн холбогдохыг баталгаажуулахгүй.

4. Багц ба төлбөр

Үнэгүй багцаар 1 QR-ийг бүртгүүлсэн өдрөөс 90 хоног ашиглана.

Төлбөртэй багцын хугацаа төлбөр баталгаажсан мөчөөс эхэлнэ. Багцын хугацаа дууссан үед шинэ QR нэмэх боломжгүй.

Төлбөрийн буцаалтын хүсэлтийг тухай бүр хянан шийдвэрлэнэ.

5. Найзаа урих

Таны урилгаар бүртгүүлсэн хүн анхны багцаа төлөхөд танд админы тогтоосон хугацаагаар үнэгүй ашиглах эрх нэмэгдэнэ. Уригдсан хүнд шагнал олгохгүй.

Хуурамч эсвэл давхар бүртгэлээр шагнал авахыг хориглоно. Энэ тохиолдолд бид шагналыг цуцалж болно.

6. Хориглох зүйл

Үйлчилгээг хууль бус, доромжилсон, айлган сүрдүүлсэн, спам зурвас илгээх, бусдыг мөрдөх эсвэл хохироох зорилгоор ашиглахыг хориглоно.

Зөрчлийг QR хуудасны «Зөрчил мэдээлэх»-ээр мэдээлж болно. Зөрчил гаргасан бүртгэлийг бид түр болон бүрмөсөн хааж болно.

7. Биет QR ба дэлгүүр

Битүү дугтуйтай QR-ийг анх баталгаажуулж идэвхжүүлсэн бүртгэлд оноогдоно. Дугтуйгаа хадгалж, кодыг бусдад бүү үзүүлээрэй.

Дэлгүүрийн захиалга төлбөр баталгаажсаны дараа илгээгдэнэ.

8. Хариуцлагын хязгаар

Үйлчилгээг байгаа байдлаар нь үзүүлнэ. Хуулиар зөвшөөрөгдсөн хэмжээнд бид шууд бус хохирол болон эд зүйл алдагдсаны хариуцлага хүлээхгүй.

9. Өөрчлөлт

Бид энэ нөхцөлийг шинэчилж болно. Шинэчлэлийг энд нийтэлж, мэдэгдэнэ. Хувилбар: 2026-10-29.

10. Холбоо барих

Асуулт байвал contact@myqr.mn хаягаар холбогдоно уу.